Тақырыбы: «Су-өмірдің мәні» ҰІӘ, мектеп алды тобы, Шокумова А.М.

Тақырыбы: «Су-өмірдің мәні»

Мақсаты: Балаларға судың өмір үшін маңыздылығын түсіндіру.                                        Су ресурстарын қорғау қажеттілігі туралы түсінік беру. Балалардың шығармашылық және ойлау дағдыларын дамыту. Ұйымшылдыққа, сусыз тіршілік жоқ екенін түсінуге, іс-тәжірибені өз бетімен жасауға тәрбиелеу.

(зал іші әсемделіп безендірілген)

Тәрбиеші: Балалар, бүгін біз сендермен орманда қандай қызықтар бар екенін білу үшін, орманға саяхатқа шығатын боламыз.

(сыңғырлаған судың дыбысы шығады)

Тәрбиеші: Балалар, ненің дыбысын естіп тұрсыңдар?

Балалар: Біз судың сыңғырлаған дыбысын естіп тұрмыз.

Тәрбиеші: Ендеше сыңғырлаған дыбыс қай жақтан шығып тұр, сол жаққа қарай жақындайық.

 Балалар:Бұлақты көріп тұрмыз.

Тәрбиеші: Балалар,бұл бұлақ басқа бұлақтарға ұқсамайды. Оның суы тап-таза, мөлдір, жарқыраған. Ал, айналасы түрлі-түсті гүлдермен көмкерілген. Енді алақандарыңды ашыңдар, сиқырлы бұлақтың суын ішіп көрейік.

(балалар бұлақтың суын ішеді)

Кенеттен, балалардың алақанынан тамып кеткен бір тамшы су тіл қатады.

Тамшы: Балалар, су патшалығына қош келдіңдер.Мен су ханшайымы тамшы боламын. Табиғатта сусыз тіршілік жоқ.Су болмаса, адамдар мен барлық тіршілік атауы сусыз өмір сүре алмайды.Бұл патшалықта қызықты сиқырлар мен іс-тәжірибелер бар. Менімен бірге судың ғажайып құпияларын білгілерің келе ме?

Тәрбиеші: Судың ғажайып құпияларын білгілері келеді.

Балалар: Су туралы құпия бізге ұнайды.

(Тамшы балаларға қызықты сиқыр көрсетеді)

Тамшы: Бері жақындаңдар, «Су, қағаз және ауа» сиқырын көрсетемін. Керек құралдар: су, қағаз, шыны ыдыс. Шарты: ыдысқа су құйылады. Шыны стақанға қағаз салынады. Қағаз салынған шыны стақанды суға батырып, нәтижесінде, қағаз құрғақ боп шығады.

(Тамшы балаларға сиқыр көрсетеді.)

Тамшы: Балалар, енді менің достарыма баратын уақыт болып қалыпты.                   Су патшалығында тағы басқа қызықты іс-тәжірибелерді жасауға шақырамын  сау болыңдар.

(су тамшысы өз достарына кетеді)

Тәрбиеші: Су патшалығында қызықты іс-тәжірибе бар екен, ең алдымен қауіпсіздік шараларын есімізге түсірейік.

Балалар: Қолды ауызға салуға болмайды, бір-біріне кедергі жасамаймыз, көзді уқаламаймыз.

«Түрлі-түсті су тамшылары» іс-тәжірибесі.

Керек құралдар: май, су, шыны стақан, қағаз.

Шарты: стақанға су құйып, үстіне май құяды. Түрлі-түсті боялған судан тамшы қосу қажет.Бояу су қабатында қалып, май арқылы әдемі түрлі-түсті тамшылар түзіледі. Балалар әр түстің қалай араласатынын бақылап, судың, майдың қасиетін біледі.

«Сиқырлы су» іс-тәжірибесі.

Керек құралдар: калий перманганаты, су, сутегі  тотығы, сірке суы.

Шарты:Ыдысқа су құйылып, калий перманганаты қосылады. Судың түсі өзгеріп қызғылт түске айналады. Судың түсін қайта мөлдір қалпына келтіру үшін, сутегі  тотығы мен сірке суы қосылады.

Тәрбиеші:Орманда нені кездестірдік?

Балалар: Орманда сиқырлы су бұлағын кездестірдік.

Тәрбиеші: Балалар, су патшалығындағы сиқыр мен тәжірибе сендерге ұнады ма?

Балалар: Су патшалығындағы іс-тәжірибе ерекше ұнады, сиқырлы бұлақтың суы ұнады.

Тәрбиеші: «Су-өмірдің мәні» деген сөзді қалай түсінесіңдер?

Балалар: Сусыз табиғатта адамдар, жануарлар, өсімдіктер өмір сүре алмайды. Судың  маңызы-өте зор.

Рефлексия:

«Түрлі-түсті жапырақтар»

 Бүгінгі ҰІӘ сәтті, қызықты болса, көңілдеріңізден шықса онда  қызыл және қызғылт сары түсті жапырақты алып, бұлақтың айналасын әсем жапырақтармен безендіреміз, ал егер бүгнгі іс- әрекетсәлқиындау, қызық болмаса жасыл жапырақпен безендіреміз.

Жарарайсыңдар, балалар! Бұлағымыз сондай әсем безендіріңдер. Безендіруге қарап бүгінгі ҰІӘ сәтті әрі қызықты өткенін білуге болады.

Тәрбиеші: Бүгінгі іс-әрекетке өте керемет, қатыстыңдар, енді тобымызға қайтатын уақыт болып қалды.

(балалар топқа қайтады)

Күтілетін нәтиже:

1.Судың өмір үшін маңыздылығын түсінеді.

2. Іс-тәжірибені өз бетімен жасайды.

3. Ұйымшылдық танытады.