2022 жылдың 2 – қараша күні «Қарлығаш, Жұлдыз» мектепалды тобы Т.Шаханов атындағы №2 жалпы орта білім беретін мектепке саяхатқа барды.

 «Мектеппен танысу»

           2022 жылдың  2 – қараша күні «Қарлығаш, Жұлдыз» мектепалды тобы  Т.Шаханов атындағы №2  жалпы орта білім беретін мектеппен танысуға барды. Мектепке кірісімен бізді мектеп басшысы  Жапабаев Ермұқан Темірғалиұлы  жылы жүзбен  қарсы алып,   Мәулен  Амангүл  апай  бізді мектептің ішінде таныстыратынын айтты.

«Ғылым-теңіз, білім-қайық» демекші, балалар сыныпқа кіріп, алғаш рет партаға отырып көрді, сыныптың ішін тамашалады. Мектепке деген қызығушылықтары артты. Мектеппен танысу  ас бөлмеге барумен жалғасты. Аспазшылар мен асхана ішін көріп танысты. Одан кейін, спорт залға бардық. Мектеппен танысуды кітапханаға барумен жалғастырдық. Кітапханадағы кітаптарды көріп, тамашалады. Кітапханашы кітаптардың көп екенін, ертең мектепке келгенде осының бәрін  алып көруге болатынын түсіндіріп айтты. Келесі  мұражайға бардық. Мұражайдағы экспонаттарды көріп, қуанды. Экспонаттар балаларға өте қатты ұнады. Мылтық, зеңбірек, самауырын, үтік, ұлттық ыдыс -аяқтарды көрді. Мектеппен танысу балаларға өте ұнады, мектептің қандай болатыны туралы түсініктері қалыптасты. Балалар жақсы көңіл -күймен, жақсы сезіммен  балабақшаға келді.