№4 педагогикалық кеңес Тақырыбы: Ұлттық ойындар – мектеп жасына дейінгі баланың негізгі құралы

№4 педагогикалық кеңес

Тақырыбы: Ұлттық ойындар – мектеп жасына дейінгі баланың негізгі құралы

Мақсаты: Мектеп жасына дейінгі балаларды тәрбиелеуде ұлттық ойындардың маңызын түсіндіру, әр жас ерекшелігіне сәйкес ойын түрлерін жүйелеу және педагогтардың тәжірибесіне енгізу

Кеңес төрағасы: Армысыздар, құрметті әріптестер! Бүгінгі педагогикалық кеңестің тақырыбы «Ұлттық ойындар – мектеп жасына дейінгі баланың негізгі құралы».

Күн тәртібі

№3 педагогикалық кеңес шешімінің орындалуы

I . Теориялық бөлім

1.  «Ұлттық ойындар – мектеп жасына дейінгі баланың негізгі құралы». Кеңес. Әдіскер Ашимова Б. К.

II. Практикалық бөлім.

1. «Қазан», «Сиқырлы таяқ». Іскерлік ойындары. Әдіскер Ашимова Б. К.

2. «Менің тәжірибемде ұлттық ойындарды қолдану»

Тәжірибе алмасу (көрме, авторлық ойын, әр педагог қатысады).

Кіріспе бөлім

Меңгеруші:

Құрметті әріптестер!

Бүгінгі педкеңесіміздің тақырыбы – ұлттық ойындардың бала тәрбиесіндегі орны.

Қазақ халқы баланы тек сөзбен емес, ойын арқылы тәрбиелеген. Ұлттық ойындар – баланың:

•        дене дамуын,

•        ойлау қабілетін,

•        тілін,

•        әлеуметтік қарым-қатынасын дамытатын негізгі құрал.

Сондықтан бүгін біз:

1.      Ұлттық ойындардың маңызын талқылаймыз

2.      Әр жас тобына сәйкес ойындарды қарастырамыз

3.      Өзіміз тәжірибе жүзінде екі ұлттық ойын ойнап көреміз

1.Теориялық бөлім

Баяндама:

Ұлттық ойындар – халықтың тұрмыс-тіршілігімен, мәдениетімен тығыз байланысты.

Баланың дамуына әсері:

•        Дене дамуы: қимыл-қозғалыс, ептілік

•        Ақыл-ой: логика, есте сақтау

•        Тіл: сөздік қор

•        Әлеуметтік: топпен жұмыс

Жас ерекшеліктеріне қарай ұлттық ойындар

1. Кіші топ (2 жас)

Бұл жаста ойындар:

•        қарапайым

•        қимылға бағытталған

•        ережесі жеңіл болуы керек

Ұсынылатын ойындар:

•        «Сақина салу» (жеңілдетілген)

•        «Қуыр-қуыр қуырмаш»

•        «Айгөлек» (қарапайым түрі)

•        «Тақия тастамақ» (жеңіл нұсқа)

•        «Қойым-қойым»

Мысал – «Тақия тастамақ» (жеңіл):

Балалар шеңберде отырады. Жүргізуші тақияны бір баланың артына тастайды.

Тапқан бала жүргізушіні қуады.

Дамытады: зейін, жылдамдық

2. Ортаңғы топ (3 жас)

Бұл жаста:

•        ережені түсінеді

•        рөлдік ойындарға қызығады

Ойындар:

•        «Арқан тарту»

•        «Сақина салу»

•        «Тақия тастамақ»

•        «Қара жорға» (қимыл ойыны)

Мысал – «Сақина салу»:

Балалар қолдарын алға созып отырады. Жүргізуші сақинаны білдірмей біреуіне салады.

Дамытады: байқампаздық, логика

3. Ересек топ (4 жас)

Бұл жаста:

•        күрделі ойындарды қабылдайды

•        бәсекелестік қалыптасады

Ойындар:

•        «Асық ату»

•        «Хан талапай»

•        «Арқан тарту»

•        «Алтыбақан» (рөлдік)

Мысал – «Ханталапай»:

Асықтар шашылады. Балалар тез жинауы керек.

Дамытады: жылдамдық, ептілік

4. Мектепалды топ (5 жас)

Бұл жаста:

•        логикалық, стратегиялық ойындар маңызды

Ойындар:

•        «Тоғызқұмалақ»

•        «Асық ату» (күрделі)

•        «Көкпар» (ойын түрінде)

•        «Ақсерек – көксерек»

Мысал – «Ақсерек – көксерек»:

Екі топ бір-біріне қарсы тұрып, ойыншы шақырады.

Дамытады: батылдық, топтық жұмысҚорытынды. Балабақшада ұлттық құндылықтарды насихаттау өте маңызды, және бұл жұмыс әр педагогтың жеке жауапкершілігі болып табылады. Бүгінгі кеңесіміз осы мақсатты жүзеге асырудың тиімді әдістерін іздестіруге бағытталғанын ескеріп, біз ұлттық құндылықтарды балабақшада насихаттау үшін бірлесіп әрекет етуге дайынбыз. Барлық педагогтарға шығармашылық табыс тілейміз! Ұлттық құндылықтарымызды сақтап, болашақ ұрпаққа дұрыс бағыт-бағдар көрсетуіміз керек.

Қорытынды:

Ұлттық ойындарды тиімді пайдалану – мектеп жасына дейінгі балалардың жан-жақты дамуына, ұлттық сана-сезімінің қалыптасуына, денсаулығының нығаюына ықпал ететін маңызды құрал. Осы бағыттағы жұмыстар жүйелі, мақсатты түрде жалғастырылсын.

Шешімі:

1.Ұлттық ойындарды оқу-тәрбие үдерісіне жүйелі енгізу.

(Мерзімі: жыл бойы, жауаптылар: әдіскер, тәрбиешілер, пән мұғалімдері)

2. Ұлттық ойындардың картотекасын әзірлеу және толықтыру

 (Мерзімі: жыл бойы, жауаптылар: әдіскер, тәрбиешілер, пән мұғалімдері)